తెలంగాణ ఉద్యమకారుల సంక్షేమ సమితి ఆధ్వర్యంలో ఘనంగా ఐలమ్మ వర్థంతి
రాయల్ పోస్ట్ న్యూస్ భువనగిరి సెప్టెంబర్ 10/ యాదాద్రి భువనగిరి జిల్లా తెలంగాణ ఉద్యమకారుల సంక్షేమ సమితి ఆధ్వర్యంలో గురువారం భువనగిరిలో తెలంగాణ సాయుధ రైతాంగ పోరాట యోధురాలు చిట్యాల ఐలమ్మ 41 వ వర్థంతి ని ఘనంగా నిర్వహించారు. ఈ సందర్భంగా తెలంగాణ ఉద్యమకారుల సంక్షేమ సమితి జిల్లా ప్రధాన కార్యదర్శి కొడారి వెంకటేష్ మాట్లాడుతూ వీరనారి చిట్యాల ఐలమ్మ జయంతి, వర్థంతులను తెలంగాణ రాష్ట్ర ప్రభుత్వం అధికారికంగా నిర్వహించడం అభినందనీయమన్నారు. వీరనారి ఐలమ్మ ను “చిట్యాల ఐలమ్మ ” గా కొనియాడాలని ఆయన కోరారు. ఐలమ్మ జీవితం నేటి తరం మహిళలకు ఆదర్శం కావాలని, ఆమె చూపించిన తెగువ , శౌర్యం, త్యాగం మహిళలకు స్ఫూర్తినివ్వాలని ఆయన అన్నారు.
ఈ వర్థంతి కార్యక్రమంలో తెలంగాణ ఉద్యమకారుల సంక్షేమ సమితి జిల్లా నాయకులు మాటూరి అశోక్, ఏశాల అశోక్, రత్నపురం పద్మ, వడ్డెబోయిన వెంకటేష్ తదితరులు పాల్గొన్నారు.
