గ్రంథ రచయిత సిద్ధి గురువు శ్రీ రమణానంద మహర్షి
షిరిడి సాయిబాబా సాక్షాత్ భగవంతుడి స్వరూపం
శత ప్రశ్న శర సంధానం .. 11 భాషలలో గ్రంథావిష్కరణ


గ్రంథ రచయిత సిద్ధి గురువు శ్రీ రమణానంద మహర్షి
రాయల్ పోస్ట్ న్యూస్ : యాదాద్రి జిల్లా ప్రతినిధి
శిరిడీ సాయి బాబా సాక్షాత్ భగవంతుని స్వరూపం అని నిరూపించే ఆధారాలతో రూపొందించిన శత ప్రశ్న శర సంధానం పుస్తకాన్ని సిద్ధగురు శ్రీ బ్రహ్మానంద మహర్షి ఆవిష్కరించారు. 11 భాషలలో ఈ పుస్తకాన్ని గ్రంథ రచయిత, సిద్ధగురు శ్రీ రమణానంద మహర్షి విడుదల చేసినట్లు శ్రీ రమణేశ్వరం లోని శివశక్తిసాయి అనుగ్రహ మహాపీఠం ఒక ప్రకటనలో వెల్లడించింది.
షిర్డీ మహాక్షేత్రం చీఫ్ ఎగ్జిక్యూటివ్ ఆఫీసర్, సీనియర్ ఐ ఎ ఎస్ అధికారి గోరక్ష చంద్రభాగ మహాదేవ్ మొదటి కాపీని అందుకొన్నారు.
శిరిడీ సాయిబాబాను విమర్శించే వారి అనుమానాలకు శాస్త్రీయమైన సమాధానాలు అందిస్తూ, సాయి సాక్షాత్తూ భగవంతుని స్వరూపం అని తెలియచేస్తూ వంద ఆధారాలతో ఈ గ్రంథాన్ని తీసుకొని వచ్చారు. తెలుగు, మరాఠీ, హిందీ, ఇంగ్లీష్, తమిళ్, కన్నడ, మలయాళం,బెంగాలీ, ఒడియా, గుజరాతి మరియు కొంకణి భాషలలో దీనిని రూపొందించారు.
ఈ సందర్భంగా సిద్ధ గురు రమణానంద మహర్షి మాట్లాడుతూ.. శిరిడీ సాయిబాబా అపర భక్తుడిగా ఈ గ్రంథ రచనకు పూనుకొన్నట్లు పేర్కొన్నారు. స్వయంగా సాయిబాబా యే తనతో ఈ పుస్తకాన్ని రాసేందుకు ప్రేరేపించారని వివరించారు. ఈ పుస్తకం చదివితే బాబా మీద సంపూర్ణమైన అవగాహన కలుగుతుందని చెప్పారు. భక్తులంతా ఈ పుస్తకాన్ని చదివి, అందిరిలోనూ ప్రచారంలోకి తీసుకొని రావాలని సూచించారు. షిర్డీ క్షేత్రం సీఈవో గోరక్ష చంద్రభాగ మహాదేవ్ మాట్లాడుతూ.. రమణానంద మహర్షి చేపట్టిన చొరవ ను కొనియాడారు. షిర్డీ సాయిబాబా మీద సంపూర్ణ అవగాహన కల్పించేందుకు 11 భాషలలో గ్రంథాన్ని తీసుకొని రావటం గొప్ప విషయం అని ప్రస్తుతించారు. ఈ పుస్తకాలను భారతదేశం అంతటా పంపిణీ చేయటం ద్వారా గొప్ప మార్పు వస్తుందని వివరించారు. ఈ గ్రంథాన్ని రచించిన సిద్ధగురు రమణానంద మహర్షి భక్తిని కొనియాడారు.
ఈ కార్యక్రమంలో ఆత్మానంద మహారాజ్, మారం శివప్రసాద్, ధనుంజయ్, బలరామ్ తదితరులు పాల్గొన్నారు.