చేయూత పింఛన్ల అమలుపై వార్డు అధికారులతో కమిషనర్ సమీక్ష — ఒక్క అర్హుడూకూడ మిగిలిపోవద్దు……

రాయల్ పోస్ట్ న్యూస్ భువనగిరి ప్రతినిది ఆగస్ట్ 19/ భువనగిరి పురపాలక సంఘం కార్యాలయంలో చేయూత పింఛన్ల సమర్థవంతమైన అమలుపై వార్డు అధికారులతో మంగళవారం సమీక్ష సమావేశం నిర్వహించారు. మున్సిపల్ కమిషనర్ గారు ఈ సమావేశానికి అధ్యక్షత వహించి, అధికారులకు స్పష్టమైన దిశానిర్దేశం చేశారు.

ఈ సందర్భంగా కమిషనర్ గారు మాట్లాడుతూ.. ప్రభుత్వం అందిస్తున్న చేయూత పింఛన్ సాయం ప్రతీ అర్హుడికి అందాలని, వార్డు పరిధిలో ఒక్క అర్హులైన వ్యక్తి కూడా మిగిలిపోకూడదని స్పష్టం చేశారు. ఈ ప్రక్రియను విజయవంతం చేసే బాధ్యత పూర్తిగా వార్డు అధికారులదేనని తేల్చిచెప్పారు.

సమావేశంలో కమిషనర్ జారీ చేసిన ముఖ్య ఆదేశాలు:

• ప్రత్యేక డ్రైవ్: వార్డుల వారీగా ప్రత్యేక డ్రైవ్ నిర్వహించి, అర్హులైన ప్రతి దరఖాస్తుదారుడి వివరాలను నమోదు చేయాలి.
• కొత్త దరఖాస్తులు: అర్హత ఉండి ఇప్పటివరకు పింఛన్ అందని వారి నుండి వెంటనే కొత్త దరఖాస్తులను స్వీకరించి, మంజూరు ప్రక్రియను వేగవంతం చేయాలి.
• క్షేత్రస్థాయి పరిశీలన: ఇప్పటికే ఉన్న లబ్ధిదారుల జాబితాను క్షేత్రస్థాయిలో పూర్తి పారదర్శకతతో పునఃపరిశీలన (వెరిఫై) చేయాలి.
• ఫిర్యాదుల పరిష్కారం: పింఛన్లకు సంబంధించి ప్రజల నుండి వచ్చే ఫిర్యాదులను ఎప్పటికప్పుడు పరిష్కరించాలి.

సంక్షేమ పథకాలు పారదర్శకంగా, నిజమైన లబ్ధిదారులకు అందేలా అధికారులు బాధ్యతాయుతంగా పనిచేయాలని ఆయన సూచించారు. ఈ సమావేశంలో వివిధ వార్డుల అధికారులు, కార్యాలయ సిబ్బంది పాల్గొన్నారు.