బీఆర్‌ఎస్ ఉద్యమం కొనసాగుతుంది: జిల్లా యువ నాయకుడు ర్యాకల శ్రీనివాస్
రాయల్ పోస్ట్ న్యూస్ భువనగిరి నవంబర్ 10/
బీఆర్‌ఎస్ పార్టీ రాష్ట్ర నాయకులు, మాజీ కార్పొరేషన్ చైర్మన్ దుద్దిమెట్ల బాలరాజు యాదవ్‌ను భువనగిరిలోని న్యూ వివేరా హోటల్‌లో బీఆర్‌ఎస్ జిల్లా యువ నాయకుడు ర్యాకల శ్రీనివాస్ మర్యాదపూర్వకంగా కలిశారు.
ఈ సందర్భంగా ర్యాకల శ్రీనివాస్ మాట్లాడుతూ ఇటీవల జరిగిన అక్రమ అరెస్టులతో ఉద్యమాలను ఆపలేరని, ప్రజా సమస్యలపై తమ పోరాటం నిరంతరం కొనసాగుతుందని ధీమా వ్యక్తం చేశారు. ఎలాంటి అడ్డంకులు ఎదురైనా ప్రజల పక్షాన నిలబడి పోరాటం చేస్తామని పేర్కొన్నారు.
అనంతరం దుద్దిమెట్ల బాలరాజు యాదవ్‌ను ర్యాకల శ్రీనివాస్‌తో పాటు నాయకులు చిరు సన్మానం చేసి గౌరవించారు.ఈ కార్యక్రమంలో బీఆర్‌ఎస్ పార్టీ భువనగిరి మండల యువజన విభాగం అధ్యక్షుడు మూలే నాగేంద్రబాబు, అన్నాజిపురం గ్రామ శాఖ అధ్యక్షుడు బాత్కా అశోక్, కంకల మహేష్, బుగ్గ ఇమేస్ తదితరులు పాల్గొన్నారు.
