షేర్: f 𝕏 ✉ ✈ in @
royalpost.co.in 22 ఆగ 2026, 9:04 ఉద.
బిజినెస్

నారపల్లి చౌరస్తాలో ఆర్టీసీ బస్సుల కొరత: విద్యార్థులు, ప్రయాణికుల తీవ్ర అవస్థలు

నారపల్లి చౌరస్తాలో ఆర్టీసీ బస్సుల కొరత: విద్యార్థులు, ప్రయాణికుల తీవ్ర అవస్థలు రాయల్ పోస్ట్ న్యూస్ ఆగస్ట్ 21 మేడ్చల్-మల్కాజ్గిరి: మేడ్చల్ మల్కాజ్గిరి జిల్లా…
ప్రచురణ తేదీ: 22 ఆగ 2026, 9:04 ఉద. రచన: oneadmin
3 వీక్షణలు 0 వ్యాఖ్యలు
నారపల్లి చౌరస్తాలో ఆర్టీసీ బస్సుల కొరత: విద్యార్థులు, ప్రయాణికుల తీవ్ర అవస్థలు

నారపల్లి చౌరస్తాలో ఆర్టీసీ బస్సుల కొరత: విద్యార్థులు, ప్రయాణికుల తీవ్ర అవస్థలు

రాయల్ పోస్ట్ న్యూస్ ఆగస్ట్ 21 మేడ్చల్-మల్కాజ్గిరి: మేడ్చల్ మల్కాజ్గిరి జిల్లా ఘట్కేసర్ మండల పరిధిలోని నారపల్లి చౌరస్తా నుండి కొఱ్ఱెముల కు వెళ్లే మార్గంలో ఆర్టీసీ బస్సులు సరైన సమయానికి అందుబాటులో లేక విద్యార్థులు, ప్రజలు తీవ్ర ఇబ్బందులు ఎదుర్కొంటున్నారు. నిత్యం విద్యాసంస్థలకు, ఉద్యోగాలకు వెళ్లే ప్రయాణికులకు బస్సుల సమయపాలన లేకపోవడం పెద్ద సమస్యగా మారింది.

సమయానికి ఆర్టీసీ బస్సులు రాకపోవడంతో చేసేదేమీ లేక ప్రయాణికులు, విద్యార్థులు ప్రైవేటు ఆటోలను ఆశ్రయిస్తున్నారు. దీంతో ఆటోల్లో రద్దీ పెరిగి, ప్రమాదకర రీతిలో ప్రయాణాలు సాగించాల్సి వస్తోందని, ఆర్థికంగానూ అదనపు భారం పడుతోందని వాపోతున్నారు.

ఈ విషయమై ఆర్టీసీ అధికారులకు ఎన్నిసార్లు విజ్ఞప్తి చేసినా పరిస్థితిలో మార్పు రావడం లేదని స్థానికులు ఆగ్రహం వ్యక్తం చేస్తున్నారు. ఇప్పటికైనా ఆర్టీసీ యాజమాన్యం మరియు సంబంధిత ప్రజా ప్రతినిధులు తక్షణమే స్పందించి, విద్యార్థులు, ప్రజల అవస్థలను దృష్టిలో ఉంచుకుని ఈ మార్గంలో సమయానికి వేళాపాళగా ఆర్టీసీ బస్సులను నడిపించాలని కోరుతున్నారు.

#బిజినెస్ #మేడ్చల్ #తెలంగాణ
నారపల్లి చౌరస్తాలో ఆర్టీసీ బస్సుల కొరత: విద్యార్థులు, ప్రయాణికుల తీవ్ర అవస్థలు రాయల్ పోస్ట్ న్యూస్ ఆగస్ట్ 21 మేడ్చల్-మల్కాజ్గిరి: మేడ్చల్ మల్కాజ్గిరి జిల్లా ఘట్కేసర్ మండల పరిధిలోని నారపల్లి…