హైదరాబాద్ రాయల్ పోస్ట్ న్యూస్ , జూలై 10: ఇంటి నుండి కారును బయటకు తీస్తుండగా ఎదురు ఇంటిలో లో ఉన్న వ్యక్తి తో తలెత్తిన గొడవ దాడికి దారితీసిన ఘటన శుక్రవారం ఆబిడ్స్ పోలీస్ స్టేషన్ పరిధిలో జరిగింది. ఈ ఘటనకు సంబంధించి ఆబిడ్స్ ఇన్స్పెక్టర్ కే. పరశురాం తెలిపిన వివరాలు ఇలా ఉన్నాయి. ఆబిడ్స్ చిరాగ్ అలీ లేన్ బస్తికి చెందిన కే. సాయి అక్షిత్ రెడ్డి తన తాత ఆసుపత్రిలో చికిత్స పొందుతున్నాడని, అతని డిశ్చార్జ్ చేసి ఇంటికి తీసుకువచ్చేందుకు ఇంట్లో ఉన్న కారును బయటకు తీస్తుండగా ఎదురుగా ఉండే నేతాజీ నగర్ కు చెందిన మహమ్మద్ అబ్దుల్ అహ్మద్ ముల్ది (19) అలియాస్ నేహాల్, అతని తల్లి యాస్మిన్ నేహాల్ ముల్ది కారుకు అడ్డుగా వచ్చి సాయి అక్షిత్ రెడ్డి పై దాడికి యత్నించారు. అంతటితో ఆగకుండా అసభ్య పదజాలంతో దూషించడంతోపాటు బెదిరింపులకు పాల్పడ్డారు. వెంటనే సాయి అక్షత్ రెడ్డి 100 కు పోలీసులకు ఫోన్ చేసి సమాచారం అందించారు. ఆబిడ్స్ పోలీసులు ఘటన స్థలానికి చేరుకొని గొడవకు దిగిన మహమ్మద్ అబ్దుల్ అహ్మద్ ముల్దీ అదుపులోకి తీసుకొని ఆబిడ్స్ పోలీస్ స్టేషన్ కు తరలించారు. పోలీసుల విచారణలో నేరాన్ని అంగీకరించడంతో మహమ్మద్ అబ్దుల్ అహ్మద్ పై కేసు నమోదు చేసి న్యాయస్థానానికి తరలించారు. అదేవిధంగా అతని తల్లి యాస్మిన్ నేహాల్ ముల్దీ కూడా స్థానిక బస్తీలో పలువురితో గొడవలకు దిగుతున్న సందర్భాలు అనేకం ఉన్నాయని తన దృష్టికి వచ్చిందని ఇన్స్పెక్టర్ కె. పరుశురాం తెలిపారు. ఆమెను పద్ధతి మార్చుకోమని అందరితో కలిసిమెలిసి ఉండాలని సూచించారు. కాదు, కుదురదు అని అంటే చట్టపరమైన చర్యలు తప్పవని, అవసరమైతే జైలుకు పంపుతామని ఇన్స్పెక్టర్ ఆమెని హెచ్చరించారు. ఈ మేరకు పోలీసులు కేసు నమోదు చేసుకొని దర్యాప్తు చేస్తున్నారు.
